මායාවරුන්ගේ කැලන්ඩරයක් සහ නොස්ට‍්‍රඩාමුස් ඇතුළු තවත් ගොඩාක් අද්භූත කතන්දර එකතු වෙලා නිර්මාණය වුණු මේ ලෝක විනාසෙ කියන්නෙ දැවැන්ත නිර්මාණයක්. ඒක ලෝක මට්ටමේ ප‍්‍රබන්ධයක් (මේක ඇත්තක්ද නැද්ද කියන එක කොහෙත්ම වැඩකට ඇති කතාවක් නෙමෙයි) ඒ ප‍්‍රබන්දෙට නොයෙක් පැති වලින් සම්බන්ධ වෙන්න පුළුවන්. හොලිවුඩය 2012 වගේ චිත‍්‍රපටිවලින්, යුරෝපය ‘මෙලන්කොලියා’ වගේ චිත‍්‍රපටිවලින් මේ ප‍්‍රබන්ධය බුක්ති විඳිද්දි අපි බෝල හැඩැති පාවෙන පීරිසි, ලිං වල වතුර රතු වීම, රතු වැහි වගේ පොඩි පොඩි තොගේකින් මේක බුක්ති විඳින්න ට‍්‍රයි කරනවා. මොනවා වුණත් මේ වගේ ලෝක සංකල්පයක් එක්ක ගත වීම හොඳයි මං කියන්නෙ. ඒත් මේ ලාංකේය ලිඳ ඇතුලෙම ඉඳන් ඒ හඳ දිහා බලන් ඉන්න වෙන එක දුකක්.
මේ ලෝක විනාස සංකල්පෙත් එක්ක ගොඩක් දේවල් කරන්න තිබුණ. ඒත් අපි ලෝක විනාසෙ වෙන තත්පරෙත් මුසල්මානුවන්ට විරුද්දව බණ කියන ජාතියක්. ”බලන්න මුස්ලිම් ජාතිය බෝවෙන හැටි... දැන් ඔක්කොම බිස්නස් කරන්නෙ කවුද? ඇයි අපේ ජාතියට මෙහෙම වෙන්නෙ..සෝම හාමුදුරුවො මේ කතාව එදා කිව්වා” අද අපේ ගෙදර වැඩිය හාමුදුරුවොත් කිව්වෙ එහෙම.
අපිට ලෝක විනාසයක් වෙද්දිවත් ලෝකයක් විදිහට හිතන්න බෑ. ඒ වගේ විශ්වීය විනාසයක් ගැන සංකල්පයෙම අරමුණ පොඩි පොඩි ජාති ජන්ම අවුල් වලට එහායින් මනුස්ස ජීවිතයක් විදිහට මිනිස්සුන්ට හිතන්න ඉඩක් හදන එක. ඒත් අවිහිංසාවාදයම වචනයෙන් පෙරටු කර ගත්තු අපේ බුද්දාගම ඒ වෙලාවට තවත් ප‍්‍රචණ්ඩ වෙනවා.
දෙමළා ඉවරයි. දැන් මුස්ලිමුන්ට විරුද්ද හටන..
එක දෙයක් නං 22 වෙනිදටත් ඉර පායනවා වගේ සහතිකයි. ලෝක විනාසෙ කොහොම වුණත් අපේ විනාසෙ නං අහම්බයක් නෙමෙයි. අහසසහ මුහුද දිහා ලෝක විනාසෙ සිද්ද වෙනකං බලාගෙන නොහිටපු ලෝකෙ ජීවත්වෙන සමහර මිනිස්සු මේ ලොකු සංකල්පෙ ඇතුලෙ ජීවිතේ ගැන ආයිමත් හිතුවා.
-රිචර්ඞ් බාක්
”තරුණ කාලෙ කියන්නෙ මිනිහෙක්ගෙ බලාපොරොත්තු සුන් වෙන කාලයක්. හැම පරිච්ෙඡ්දයකම අවසානය ලෝක විනාසයක් වගේ. ඒ හැම දෙයක් ඇතුලෙන්ම බලාපොරොත්තුව ජීවත් කරවන්න පුළුවන් ශක්තිය, තමන්ගෙ ආත්මය ඒ හැම දේකින්ම නොනැසී පවතිනවා කියන අවබෝධය තමයි ඇත්තට මැදි වයස කියල කියන්නෙ”
” ‘අවසානය ඇවිත්...’ ඒ මිනිහා කෑ ගැහුවා.
‘හොට් චොක්ලට් එකකට වෙලාව තියෙයිද?’ රිලී ඇහුවා.
අවසානය ඇවිත් කියපු මිනිහා ඇහැක් ගැහුවා.
‘ආාහ්..ඒක නං හරියටම දන්නෙ නෑ’ මිනිහා කිව්වා ”
-ජෙනා ඔලිවර්- ෆොබිඞ්න්
‘හුරේ....ලෝක අවසානය කල් දාලා’
-හර්ජෙ - ෂූටින් ස්ටාර්
-රොජර් සෙලානි
‘ඒ ගොල්ලො කියන්නෙ නැව ගිලෙනවත් එක්කම කැප්ටනුත් ගිලෙනවා කියල. ඒ කියන්නෙ ලෝක අවසානයත් එක්ක දෙවියොත් අවසාන වෙයිද?’
-ෆෝල් අවුට් බෝයි
‘ඔව් වී, අදඔයත් එක්ක මං ඇඳේ ඉන්නකොට ඔය උල්කාපාතෙ වැදිලා අපිට ඒක මගඇරිලා නෙමෙයි නං මං හිතන්නෙ තාම ග්‍රොසරි ස්ටෝර් එක ඇරලා, ඒ ගොල්ලො ළ`ග බඩු ඇති’ - ක‍්‍රිස්ටන් ඈෂ්ලි-
‘ඔබේ පැවැත්මෙන් ඉතිරි අළු වලින් විශ්වයේ අනාගතය පිණිස බිම සරු වනු ඇත’
-රිචර්ඞ් කාඞ්රේ-
”මං හිතන්නෙ මේක බොහොම වගකීම් රහිත දේශනයක් සහ ඒක හරිම භයානකයි. මේක ළමයින්ගෙ පැත්තෙන් හිතලා බැලූවොත් සම්පූර්ණයෙන්ම වගකීම් රහිතයි. බයිබලයේ කිසිම තැනක මං දැකලා නෑ අපේ පැවැත්මේ අන්තිම දවස් ගැන කියනවා. මං හිතන්නෙ ඒක පිස්සු වැඩක්. ඒත් මේ වෙද්දි ගොඩක් මිනිස්සු මේකෙන් සල්ලිි හොයන්න පටන් අරන්. අවුරුදු 2000ක ඉඳන් උන් අපි මේ ඉන්නෙ ලෝක අවසානයේ කියල කිය කිය හම්බුකරනවා’
‘මිනිස් වර්ගයාගෙ අවසානය කියන්නෙත් අනන්ත ජීවිත චක‍්‍රයෙ කොටසක් විතරයි’
-ටොබා බේටා
” ‘මට මේ බියර් එක ඉවර කරන්න දෙන්න’ ස්ටාර්ක් කිව්වා
‘අවුලක් නෑ. ලෝක විනාසෙට ටිකක් ඉන්න පුළුවන්’ (කැස්බියන්* ”
-රිචර්ඞ් කාඞ්රේ :කිල් ද ඩෙඞ්
-ක්ලෝඞ් ලූවී ස්ට‍්‍රව්ස්
‘ලෝකය වරින් වර මැරෙනවා. ඒත් ඇටකටු ආයිමත් නැගිටලා ඇවිදින්න ගන්නවා’
-හෙන්රි මිලර්
‘ලෝකෙ ගින්නෙන් හරි අයිස් වලින් හරි ඉවර වෙයි කියලම හිතන්න ඕන නෑ. ඒක වෙන්න පුළුවන් තවත් විධි දෙකක් තියෙනවා. ලියන කියන වැඩ වලින් සහ නොස්තැල්ජියාවෙන් (අතීත කාමයෙන්)
‘ලෝකෙ ඉවර වෙන්නෙ මෙහෙම
ලෝකෙ ඉවර වෙන්නෙ මෙහෙම
මහා සද්දෙකින් නෙමෙයි
හීන් කෙඳිරියෙන්’
-ටී එස් එලියට්
ලෝක විනාසේ කියලා බෞතික වශයෙන් හරි මානසික වශයන් හරි හම්බු කරපු ගොඩක් දෙනේක් ලෝකේ හිටියා.........ඒත් ලංකාවේ හම්බ කලේ ගොබිල ජෝතිෂ්‍ය වෙදියෝයි ජාති වාදියෝයි විතරයි.....
ReplyDelete